Şoreşê Ûzimî

Va ye hat bîst û yekê Adarê
Agir gur dibe bi rengê darê
Silav li dê û bav dost û yarê
Gul xemilî li bejna biharê

Agirê Kawayê Hesinkar e
Mezlûm Doxan xwe pê kirîye ar e
Ew ji bo me tevan fermandar e
Ji bona dijmin jî berfa sar e

Newroz ji bona gelan hedar e
Li ser çanda xwedawenda Star e
Rojek kêf û şahî û dildar e
Dihelîne derd û kul û bar e

Agirê Newrozê pir dijwar e
Dişewtîne dijminê xedar e
Dijmin bûye fena gurên har e
Ji mirovahiyê re bêpar e

Newroza îsal ne wek a par e
L’ Kurdistanê vebûn gul û dar e
Dijmin têk diçe wek her car e
Ji bo me cejn û eyd û sersal e
Ji Newroza azadîyê ra

Rojava/ Reqqa
21.03.2019

Hûn dikarin kanala Youtube jî bibînin, bibin abone û danezana jî vekin.