Bê to rê deyîrêka sosyalîstkî vajî
Hetêkê xo bi vengê çêranê seypê ra
Hetêkê xo bi vengê parekerdişî ra
Ser sêneyê welato orta cenetî de

Bê to rê deyîrêka sosyalîstkî vajî
Qîrayişê gerîlayanê koberzan ra
Xuşe-xuşa Royê Dîjle û Feratî ra
Binê dara mazêreyêka kokime de

Bê to rê deyîrêka sosyalîstkî vajî
Vayê Andokî û porê şanekerde ra
Axpînêk de gurguzîya babîyê xo ra
Yew rasteyêkê govenda gerîlayan de

Bê to rê deyîrêka sosyalîstkî vajî
Axîn û nalînanê mayanê kurdî ra
Laş letebîyaye yê çêrêkî koyij ra
Gelîya Basret yê Gabarê îsyankar de

Bê to rê deyîrêka sosyalîstkî vajî
Vîyarte, ewro û ameyoxo zernên ra
Roştîyê aşme û lêlê şewdirêkî ra
Tîtikê îsyankaranê verênan ser de

Bê to rê deyîrêka sosyalîstkî vajî
Şîretanê Apo û seyîd û şêxan ra
Çêranê Egîd, Elîşer û Yadoyî ra
Meydananê dardekerdeyanê sûkan de

Bê to rê deyîrêka sosyalîstkî vajî
Vengê kênayan û lajekanê Rojî ra
Vengê roştîwazê çinagarbardînan ra
Yewna meterîsêko pêrodayîşî de

Bê to rê deyîrêka sosyalîstkî vajî
Bes o qaxûkerdiş û mixul werdişî ra
Bes o qirkerdiş û dejanê pêpeynî ra
Ciwîyayîş heq o Kurdîstano xoser de

*Fotograf: Berfîn Hêzil

Şîrove Binuse

Şîroveyê xo binuse!
Nameyê xo binuse