Hênîdê Zerrî Ra Çend Çilkî

Sînan Sutpak

 

Çilka yewine

Vejîyayenda xo de, bi dejdê dirbetan a çengizyayê

Dermanê xo, jandê serebûtanê xo ra weçîna

Û janî amordiş; vîst… vîst û şeş, vîst û hewt, vîst û heşt

Vîst û heşt aşmîyê tepiştey

Û persê bêcewabî

Çar sînorandê mayinkerdeyan de darde kerde

Çilka diyine

Bîyayenda xo de qalibê qesayênî şikitî

Kitabê lebayenandê merdimîye rê perî dimdayî

Dejdê ci ra tam kerd

Tamî ver asmên çengizîya

Janê dirbetandê pêroyan zerrî tepişte

Gêray derman

Derman, sirê bêmergî

Gilgamêşî dest ra derya, do tilsimên ro gunaye

Kamcîn emelî, bi kamcîn mexseda

Kamcîn korbîr de helisna o rîçe?

Rîçeyê biyayenda xoserî

Çilka hîrine

Resnayenda xo de lingê qeydkerde, ziwano qorî

Destanê bazîyan de şiknayeyî mojnena

Bindestî bardê keda merdimîye bin de

Bi lingandê warwayan a, kozdê adirî ser o rayîr gênê

Kozê adirdê dejdê merdimîye

Lênê aweda bindestan, pergalxaneyan de girêneyayê

Yewdestey  erjîyayan rê mîyane şikitbî

Keştîya berdê merdimîye deryadê berjewendîyan de

Çilka çarine

Nanê gonîda xo ro depiroşnayî, mojnena merdimîye rê

Teyşanî de ziwan ziwa

Deryadê erjîyayandê merdimîye de

Berdê xo ra bêpar

Gêrenê çilkê wa da ereqdê xo

Rondê xo de qijênayene pelsetey cuya xo weçîna

*Adar 2010 ELBÎSTAN

 

Şîrove Binuse

Şîroveyê xo binuse!
Nameyê xo binuse